दुनिया में केहु शानी न बाटे

दुनिया में केहु सानी ना बाटे ,नाम जेकर हिन्दुस्तान ।
ए भइया , भारत देश महान । टेक

1 - दुनिया के सब ग्रंथन में नाम , वेद के पहिले लियाला ।
गीता अउर रामायण के जोड़ , खोजले
नाहीं भेटाला ।।
दुनिया के सब भाषा हउए , संस्कृत के संतान ।
ए भइया , भारत देश महान ।।

2 - गौतम ,गाँधी ,राम अउर कृष्ण के ,मिलिहें नाहीं मिसाल ।
राणा ,शिवाजी ,भगत ,चंद्रशेखर ,विस्मिल , भारत के लाल ।।
जायसी ,तुलसी ,सूर , कबीर के, जानेला सारा जहान ।
ए  भइया , भारत देश महान ।।

3 - हमरे देश के माटी में भी ,सोना के रूप देखाला ।
मानुष जीव के कवन पूछे , पेड़ ,पहाड़ पूजाला ।।
अद्भुत देश में संगे पढ़ाला , गीता अउर कुरान ।
ए भइया , भारत देश महान ।।

4  - हमरे देश के कण कण से भी ,प्रेम के गीत सुनाला ।
शान से देखी , हमरो तिरंगा , सबसे ऊँचा लहराला ।।
सदियों से लोक नाथ रहल बा ,गाईं सभे गुणगान ।
ए भइया , भारत देश महान ।।